Daghan pa gyud nga mga tawo ning atong kalibutan nga mailad pa sa ilang isigkatawo. Subo kining palandungon.
* * *
Pananglitan didto sa Burma dihay tawo nga nag-antus sa iyang sakit (wa man klaroha sa balita unsang sakita). Nakasugat siya og gitawag nila didto nga Imbuto, usa kini ka mananambal kinsa tiggamitan og mga “unorthodox†nga paagi sa panambal.
* * *
Iya kining gipangayuan og matang sa tambal nga wa pa niya hisuwayi alang sa iyang balatian. Gipasaligan siya nga mamaayo ang iyang sakit kun mosawom siya sa lapok. Iya kining gituman ug suma sa balita nawa ang sakit ug hasta siya nawa usab. Nalumos sa lapok.
* * *
Karong bag-o pa, dihay balita gikan sa Lusaka, Zambia, diin usa ka tawong Zambian nangita’g paagi nga madatu. Dunay nisulti kaniya nga ipakaon sa hyena ang iyang kinatawo.
* * *
Iya kining gituman. Bisan sakit ang pag-ub-ob sa hyena sa iyang kinatawo wa lang niya igsapayan. Human natagbaw ang hyena gibiyaan ang maong Zambian nga nagkadugo. Gida sa ospital. Natabang sa mga doktor apan wa na ang iyang kinatawo. Wa’y sequel ang balita kun nadatu ba kining Zambian.
* * *
SA LAING BAHIN ... Daghan salamat sa mga tindera sa Carbon ug Taboan tungod sa ilang nagpadayong suporta sa Banat News.