Sa balita ning Banat News kaniadtong Marso 29, 2014 gikasagmuyo sa pamilyang Apduhan ang mga migawas nga balita sa media kay matud pa nila layo ra kaayo kini sa kamatuoran.
Sila mipasangil nga halos bakak ang tanang mga migawas nga detalye sa balita ilabi na sa pagtawag sa ilang tinuohan nga kulto.
Si Sianrez Apduhan , anak ni Casciano Jr. pangulo sa grupong Dios Amahan, mipabuhagay sa iyang mga kahiubos sa media tungod kay matud pa niya nobenta porsiyento sa mga migawas nga balita bakak.
Matud ni Sianrez di gyud makiangayon sa ilang pamilya ang migawas nga mga balita labot sa ilang tinuohan.
“Ganun pala yun, gusto ng media yung top stories talaga. Sabi nga nila the media itself daw is 90% “botbot†and 10% totoo,†asoy ni Sianrez.
Si Casciano Apduhan Jr. ug driver niini nga si Victor Fajardo gipasakaan na kini og kasong serious illegal detention ug illegal possession of firearms.
Apan ang pamilyang Apduhan padayong mibarog sa pagka inosente sa ilang padre de pamilya nga si Casciano ug ilang giingon nga ang makapamatuod niini mao mismo ang 33-anyos nga babaye nga giluwas sa mga sakop sa National Bureau of Investigation ug Provincial Women’s Commission nga gipangulohan ni Bise Gobernador Agnes Magpale. Ilang giingon nga kabubut-on sa giingong biktima ang pagpuyo sa ilang balay ug wa kini prisoha.
Namasangil usab ang pamilyang Apduhan nga planted ang mga ebidensiya nga nakuha sa mga operatiba sa ilang balay.
Planted ang mga ebidensiya nga nakuha sa balay sa mga Apduhan. Buot ba nilang ipasabot nga nagdala og bukog sa tawo nga giputos sa habol ang mga sakop sa National Bureau of Investigation ug si Bise Gobernador Agnes Magpale sa ilang pagsusi sa balay ni Casciano sa lungsod sa Balamban aron lang kini mapasanginlan og krimin?
Buot ba nilang ipasabot nga apil ang mga ginikanan sa 14 anyos nga bayong-bayong nga gipatay sa mitanom og ebidensiya batok ni Casciano?
Ang mga ginikanan sa bayong-bayong nga gipatay mao ang mitultol sa mga sakop sa National Bureau of Investigation sa tunnel o lungag nga gitagoan sa patay’ng lawas nga giingong gihalad ni Casciano sa yuta nga gikotkot aron mohatag og daghang bulawan.
Kinsa man karon niini ang 90 porsiyento botbot ug 10 porsiyento tinuod?