Dunay praktikal nga tambag alang niadtong dunay mga uyab. "Don’t kiss somebody in front of your house because if love is blind your neighbors are not.†Apan kun maghisgot kita og buta ang gugma ato kining sabton ingon nga matang sa pagkabuta nga tinuyo. Kini tungod kay wala na man tan-awa ang negatibo nga aspeto kondili gisayloan kini sa nakakita. Ingon ini usab ang kahimtang sa atong ebanghelyo karong Domingoha.
Ang atong Ginoo ang wala magtagad sa naandang panglantaw sa mga Pariseo ngadto sa tawong buta. Kay alang kanila ang maong aktwal nga pagkabuta linugdangan sa pagpakasala sa mga katigulangan kon inter-generational. Sa laktod, ang maong kahimtang usa ka dakong silot.
Ang Ginoo ginamit ang ritwal uban ang mga materyal nga mao ang lapok ug laway ang nipabalik sa panan-aw sa maong tawo. Kini agi’g pagpakgang sa nilanat nga espirituhanong pagkabuta niadtong mga tawo nga dili buot makakita sa kamatuoran.
Daghan kanato karong mga higayona ang nahimong mga buta kay atong tinuyoan. Dili kita buot nga masayud kita mahitungod niini ug ang bati kay atong gidahig ang uban.