Adunay mga damgo nga nahimong sukwahi o lahi ra kaayo sa tinud-anay nga mga panghitabo o mga kasinatian diha sa atong waking world. Tumong niini ang paghatag og balanse o dili ba kaha ang paghatag og tubag ug katagbawan sa tinud-anay natong panginahanglan ug mga tinguha.
Sama pananglit sa mga kasinatian sa pagbangotan. Pananglit, ikaw namatayan og amahan nga mao ang imong aktwal nga kasinatian.
Sa imong damgo imong nakita o nakuyog ang maong mahal sa kinabuhi diha sa hudyaka.
Paagi kini sa pag-atubang sa kamatuoran nga nawala na ang imong mahal sa kinabuhi diha sa kamatayon.