Karaan na kaayo ang isyu mahitungod sa mga damgo ingon man ang paghubad niini. Gani, nahimo kining kabahin sa bisan unsang relihiyon sa unang panahon.
Ginaingon nga ang Epic of Gilgamesh nga nagsukad pa niadtong 1760 BC ang unang naghisgot mahitungod sa mga damgo. Ang Judeo-Christian Tradition ang maisip nga pinakamaayo nga katitikan kun maghisgot kita mahitungod sa mga damgo.
Gani diha sa Balaang Kasulatan, daghang mga sugilanon ang napatik nga dunay kalambigitan sa mga damgo. Giisip nga ang mga damgo mao ang direktang pagpadayag sa mensahe sa Dios alang ni bisan kinsang mga tawo. Sama pananglit sa Gen. 28;10-17/Job. 33;15-16/Gen. 37;9-11 ug Daniel 4. Palihug lang sa pagbasa ning mga bahina sa kasulatan nga atong nahisgutan dinhi.(Sumpayan)