World Toilet Day

Daghan tang gisaulog nga “days” kon mga adlaw -- Sama sa World Animals Day, Brown Rice Day, World Vegetarian Day, etc.

Adtong miaging adlaw gisaulog ta ubos sa pagpasiugda sa United Nations Children’s Fund kon Unicef and World Toilet Day.

* * *

Gihimo kini sa Unicef tungod kay usa ka billion sa katawhan sa kalibutan wala’y CR kon kasilyas.

“The UN is alarmed and concerned about the slow and insufficient progress in improving access to basic sanitation facilities around the world,” matud sa Unicef. Mao nga gipasiugdahan niini ang kasaulogan sa World Toilet Day.

* * *

Dinhi sa ato naay daghang panimalay labi na ang anaa nahimutang sa slums ang wala’y kasilyas.

Kini nahibaw-an sa usa ka masteral student nga nihimo og survey alang sa iyang masteral thesis.

* * *

Usa ka molupyo sa usa ka slum area mitug-an sa maong estudyante nga dihay usa ka pamilya kinsa mangadto ang sakop niini sa shopping mall alang sa ilang pagtubag “nature’s call.”

* * *

Pero ang kadaghanan kuno mogamit sa “system of waste disposal” nga ilang gitawag og “flying saucer.”

Wala’y hunong ang kampanya sa kagamhanan sa pag-improve sa sanitasyon isip sa pagsangon sa awhag sa UN kabahin sa pagsulbad sa gitawag niini (UN) nga “sanitation crisis.”

* * *

SA LAING BAHIN ... Dihay nangutana kun kining pagsugwak sa mga bakwit dinhi sa Sugbo wa ba makadugang sa problema kalabot sa “access to basic sanitation facilities” ... Maayong adlaw sa atong mga readers sa Banat News diha sa mga opisina sa Kapitolyo. Salamat sa inyong suporta.