Daghang mga istorya gikan sa Leyte, labi na sa Tacloban, nga nagkadaiya lang ang masud sa hunahuna sa naminaw.
Dihay mga istorya nga makahinuklog, naa say makapahinumdom kanato nga ang atong kapalaran ang Kahitas-an ang nagbuot, naay nga istorya nga makapahimuot, naa say makapadismaya, etc.
* * *
Dihay usa ka Sugbuanong inahan nga kapin na sa 50-anyos nanimuyo sa Tacloban diin malampuson ang iyang negosyong general merchandise. Mihilak dihang nanugilon nga ang iyang negosyo nga iyang gihaguan pagpalambo nahapay sa pipila lang ka minutos pag-ataki ni Yolanda.
* * *
Diha say gikatakdang kaslon sa adlaw nga nag-abot ni Yolanda. Napusgay ang simbahan diin unta sila kaslon. Apan gipadayon lang gyud atubangan sa usa ka dakong krus nga mao ray nahabilin nga nagbarug sa nahanaw nga simbahan.
* * *
Usa ka pundok nga mga batan-on sa Tacloban nanagan sa Tacloban Astrodome dihang nisaka na ang tubig gikan sa dagat (mao tong giingon nga storm surge) kay matud nila mora’g luwas kon safe ang maong dapit. Apan wa ilha ni Yolanda. Gilunopan hangtud sa atop. Nahurot kamatay kadtong ni-seek refuge sa maong dapit.
* * *
Kadaghanan sa mga taga Tacloban nga namakwit dinhi wa nay bisa’g payag nga kapaulian sa Tacloban. Dihay usa ka babayeng nahidunggan nga nag-ingon: “Wa pa ako makailis og panty sukad pag-ataki ni Yolanda.†Puwera biro kuno.
* * *
SA LAING BAHIN ... Buot kita makigpadayag sa atong suporta sa atong mga higalang magbabasa sa Ormoc diin nangulata sab og maayo ang super typhoon. God bless us all.