Ang property nga na-inherit sa bana or asawa gikan sa ilang mga ginikanan gikonsiderar kini nga separate o exclusive property busa way labot ang iyang kapikas sa maong kabtangan. Apan kun ang naka-inherit nga bana or asawa mopanaw na, maka-inherit ba ang iyang nahibilin nga kapikas sa maong property? Kana nga pangutana ang atong tubagon karon sa atong column.
“Dear Atty. Divine,
Ang akong asawa adunay na-inherit nga yuta gikan sa iyang ginikanan bali og duha ka ektarya kay agricultural land man kini. Niadtong miaging tuig, namatay ang akong asawa ug wa mi mga anak nga mamahimong makasunod sa maong yuta. Karon ang iyang mga igsuon maoy gustong mo-claim sa maong yuta kay matud pa nila wa kono koy labot sa maong yuta kay gikan man kini sa ilang ginikanan, sakto ba sila niini attorney? —Michael
Dear Michael,
Basi sa atong balaod ang na inherit nga property sa bana or asawa makonsiderar kini nga exclusive o separate niyang property busa way labot ang iyang kapikas niini. Kana maoy nalatid sa Article 92 og Article 109 sa atong Family Code. Apan wa sab kini magpasabot nga kun ang asawa o bana mamatay na dili maka-inherit kaniya sa maong property ang nahibilin niyang kapikas. Kini tungod kay ang atong Civil Code nagkanayon man nga: ang legal nga bana o asawa usa kini ka compulsory heir busa mamahimo siyang mabahinan sa portion sa kabtangan nga gibilin sa iyang kapikas nga namatay ug kini naglakip sa property nga iyang na-inherit sa iyang mga ginikanan. Sa ato pa, kun ang imong asawa wa magbilin og Last Will and Testament ang rule sa intestate successon ang mo-apply. Matud pa sa Article 1001 sa Civil Code kini nagkanayon nga: “Should brothers and sisters or their children survive with the widow or widower, the latter shall be entitled to one-half of the inheritance and the brothers and sisters or their children to the other half.†Busa inigbahin sa iyang duha ka ektaryang yuta, ang katunga niini maoy imong bahin samtang ang nahibilin nga katunga maoy bahinon sa iyang mga igsuon. Kun di gani ka bahinan sa iyang mga igsuon mamahimo ka nga mopasaka og Petition for Settlement of Estate sa imong bana ngadto sa korte. Hinaut nga nahatagan nako og katin-awan ang imong huna-huna. Daghang Salamat and God Bless. —Atty. Divine
Alang sa inyong pangutana ipadala lang sa Legal Corner sa Banat News sa V. Gullas Street, Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag adlaw’ng Miyerkules ug Domingo.