Kun maghisgot kita og Education, gikan kini sa linatin nga pulong: Educere nga nagpasabot og Drawing Out. Unsa may kuhaon gikan sa tawo? Ang iyang kaayo. Mao nga ang edukasyon usa ka panaw.
Ning paagiha, mahinungdanon kaayo alang sa matag ginikanan nga ang ilang mga batan-ong mga anak ang magiyahan ug maubanan sa ilang panaw padulong sa usa ka hamtong nga pagsabot sa Sex.
Dili maayo nga ipatigbabaw ang usa ka reactionary attitude diin sabton ang mga isyu kalabot sa sex ingon nga law-ay ug hilas. Hinunoa, binitbit ang tukmang mga kasayuran ingon man ang lagda sa moralidad ang kabatan-onan masayud nga ang Sex Education dili diay mahitungod sa mga positions, contraceptives ug mga Sexually Transmitted Diseases kondili mahitungod kini sa kamadagayaon sa gugmang Diosnon nga nimugna niini ingon nga Balaan ug Maayo.