Oktubre 13, 2013: Ikakawhaag walo nga Domingo sulod sa tuig
Mga Pagbasa: 2Har. 5;14-17/Sal. 98/2 Tim. 2;8-13/Lk. 17;11-19
Ang mga sanlahon kaniadto nahimong nahimulag gikan sa mga tawo ug sa katilingban dili lang tungod sa puntong medikal kun dili gumikan sa puntong liturhikal.
Mao nga ang mga sanlahon ang magtakin og gagmay'ng kampanilya uban ang pagsinggit: "Hugaw Ako!" Si Jesus ang nakakita ning maong kahimtang busa iya silang giayo dili lang sa sakit. Iya silang giayo ug gihimong nahiusa balik sa katilingban. Apan sa napulo nga giayo, usa lamang ang nibalik uban ang pagpasalamat.
Kini nagpahinumdom kanato nga sa daghanang mga higayon kita nakadawat og mga kaayohan gikan sa Dios. Matarong lamang nga atong himoon ang pagpasalamat kaniya ug ang paghimo sa atong tagsa-tagsa ka mga kinabuhi ingon nga pasalamat usab.