Tumong sa matag ginikanan nga mamahimong luwas ang iyang “teenager†sa bisan unsang kakuyaw ug kadaut labina sa mga negatibong impluwensiya sa atong palibot. Kasagaran ang matag ginikanan ang mohimo dayon ning mosunod:
1. Pag-kontrol sa palibot sa iyang anak apil na niini ang paghukom kun kinsa ang mahimo niyang mga higala, ang musika nga iyang paminawon, ang bisti nga sul-obon.
2. Ang pagpatungha sa mga batan-on sa mga Christians ug Catholic Schools sa dakong panghinaut nga unta mas mapalig-on pa ang moralidad sa batan-on.
3. Ang makanunayong pag-wali ug paghisgut sa mga nagpasad nga mga ngil-ad ning kalibutan.
Apan subo palandungon nga kining maong mga pamaagi ang dili kaayo makahatag sa gitinguhang epekto. Tungod sa teknolohiya ug sa palibot lisud na kaayo himoon ang isolation sa atong mga batan-on gikan sa bisan unsang dili maayo nga impluwensiya. Mahimo silang maminaw sa imong pagmaymay sulod sa panimalay apan iniggawas nila, mas ganahan silang mosulay ug modiskubre sa imong gidili. Ang uban pa gani ang maantigong mohimo og mga mekanismo aron dili sila hisakpan sa ilang mga binuang. Ang mga ginikanan, ang nahimong magbasol ug mahingawa sa kaulahian. Unsa may angay nga himoon?
1. Ang paghimo og usa ka guided exposure sa imong batan-on mahitungod sa reyalidad sa kinabuhi. Himoa kining mas konkreto ug mas tataw. Dili paigo ang wali ni ang teoriya.
2. Pag-umol sa iyang gahum sa pagpili. Kinahanglan nga ang batan-on masayud nang daan kun unsaon ang paghimo og desisyon. Nga ang matag hukom adunay tugbang nga resulta. Nga walay laing mabasol kondili ang kaugalingon ra mismo.
3. Pagkamatinud-anon. Ayaw itago ang mga impormasyon nga angayang masayran sa imong mga anak.