Sukad nadiskubre’g balik niadtong 1963, ang spirulina eksistidona o diha na mga tulo og tunga ka bilyon nga katuigan (3.5 billion yrs.). Kadaghanan wala pa masayud nga ang spirulina maoy nagtabang sa kalibutan nga molunhaw (green). Mas paspas ug epektibo pa kini nga motuhop sa carbon dioxide nga igawas pagbalik ang oxygen, kay sa gikan sa punoan sa mga tanom o kakahoyan sa palibot.
Ang spirulina usa ka lumot nga asul pagka lunhaw (blue-green algae), nga sa tibuok kalibutan kini ang kinadaghanang tinubdan sa oxygen nga maoy napuslan nato karon sa pagginhawa. Ang usa ka tonelada sa spirulina mokonsumo og 450 ka kilos sa carbon dioxide ug mohatag balik og 1.2 ka tonelada nga oxygen samtang kini nagtubo. Ang usa ka ektarya nga way gamit nga patag, makaani og 14 ka tonelada sa spirulina kada tuig samtang gakuha’g mga 6.3 ka tonelada sa carbon gikan sa kahanginan nga igawas pud pagbalik ang 16.8 ka tonelada sa oxygen. Ang spirulina 90% kapin sa tibuok kalibutan nagalihok aning prosesoha nga ginganla’g photosynthesis, nga nahimong kabahin na sa atong kinaiyahan.
Mikabat kini sa 20 ka tuig nga pagduki-duki sa pagrediskubre ug pagbutyag sa spirulina isip usa ka kinamasustanyang pagkaon sa atong planeta. Si Dr. Christopher Hills (Father of spirulina) inabagan ni Dr. Nakamura, maoy unang naghimo sa spiriluna isip pagkaon sa tawo. Matud nila, nga gikompirmar usab sa UN, nga kini ang dakung tubag sa nasinating gutom karon sa tibuok kalibutan.
Kun unsa gayud ka milagroso ang mga benepisyo nga anaa aning spirulina, daghan na kaayo ang naikag o nakuryoso. Mga 4,000 na ka sayantis sa mga nagkalainlaing kanasoran, ang nanghimo og makuti nga pagtoon ug mga pag-eksperimento. Og dinhi nakaplagan ang mas daghan pang kagamitan ug mga benepisyo gawas nga kini usa ka kompleto nga modernong pagkaon sa tawo.
Daghang institusyon karon sa kalibutan, nagkauyon nga mapalapdan pa ang kaugmaran sa dugang pang kahimoan sa spiriluna. Sa pagkakaron, segun sa mga pagmatuod ug rekomendasyon, sama sa UN/NASA/UNICEFF/AARP misuporta sa kabilihon sa spirulina. Nga usa sa nakahatag og balanse nga ekolohiya ug uban pang tubag sa panginahanglan o sa tanan nga problema sa panglawas. Kay kini nagbaton og mas lig-ong anti-oxidants, vitamins, minerals, enzymes ug uban pang wa mahatag sa mga natural o organic nga suplemento.