Suma pa sa mga eksperto sa ekonomiya ang gobiyerno maalkansi og binilyon ka pesos gumikan sa heavy traffic.
Labi na didto sa Metro Manila diin ang mga sakyanan (motor vehicle) naghuot lang sa kadanan bisan lagpad na ang mga karsada ug duna pay mga overpass.
* * *
Murag maglisud ang mga traffic experts sa pagsulbad niining gitawag sa uban mga monstrous traffic didto sa Metro Manila.
Kay ngano? Nagsige og umento ang produksiyon sa mga awto ug trak.
Sud sa unom ka buwan (Enero ngadto sa Hunyo ning tuiga) nag-umento ang motor vehicle sales og 20 porsiyento kun itandi sa miaging tuig.
* * *
Ang Toyota Motor mibaligya og 34,713 units. Gisundan sa Mitsubishi Motors kinsa mibaligya og 21,282 units.
Ang Honda cars naa sa ikatulo diin mibaligya kini og 7,337 units.
Kining gidaghanon nga mga awto nga nabaligya sa Toyota, Mitsubishi ug Honda sud lamang kini sa first half sa tuig 2013. Wa pa ikabutyag ang produksiyon sa ikaduha nga bahin sa 2013.
* * *
Grabe kadaghan sa motor vehicle output sa atong mga car assemblers. Wala sila limitihi sa gobiyerno busa hala sige’g paumento sa produksiyon. Saon pagsulbad sa traffic congestion?
Bisan gani dinhi sa ato sa Sugbo sige man ang umento sa mga sakyanan de motor. Sa dili madugay ang nasinati nga traffic congestion sa Manila ato sad kini masinati dinhi sa ato.
* * *
TRIVIA. Daghang salamat sa atong mga news dealers ug newsboys kinsa mitabang sa pagpalambo sa circulation ning atong Banat News.