Ang mga pari nagkasabot nga di sila magbaton og armas de fuego tungod kay wala sila’y angay pabuthan o pusilon sa armas.
Di usab angayan silang magdala og armas tungod kay wa baya sila’y kontra.
Lahi ang mga pistolero nga anaa sa sine ug naanad na kaayo nga sayon-sayonon ra ang pagpanag-iya og armas de fuego.
Ang armas de fuego daan na nga gidili ilabi na kun wa kay lisensya sa pagluklok niini.
Di usab gusto ang kagamhanan nga sayun-sayonon ra sa mga tawo ang pagluklok og armas de fuego tungod kay delikado kaayo ang pagdala niini.
Apan ambot kun ngano nga sa kadaghang panghitabo karon matag adlaw adunay mamatay gumikan sa armas de fuego.
Nagpasabot nga wa matagbaw ang tawo sa balaod nga nagdili sa pagdala og armas de fuego ilabi na niining panahon nga bag-o pa ang eleksyon.
Apan kun ang mga pari naglikay sa kaugalingon sa paglapas sa balaod nga gipatuman sa goberno, daw unsa kaha ang mga ordinaryong tawo.
Ang armas adunay gahum nga bisan dili nimo gamiton nagkinahanglan og pagtagad nga gikan mismo kanimo.
Kini tungod kay giganahan ka sa pagbaton niini, ug gani imo kining gitipigan, gihinloan sayo sa buntag ug daghan kaayong mga higayon nga imo kining giduwa-duwaan kun ikaw ra nga usa o kaha bisan kun anaa ang imong mga anak sa palibot o sa sulod sa bay.
Apan wa nimo dahoma nga kalit lamang kining mibuto ug diha-diha ang tawo nga wala magtuo nga kriminal ka, nakasaksi sa hitabo nga ikaw di angay sayon-sayonon sa pagduol.
Ang imong mga amigo ug mga suod kaayong silingan, buot na nga mogawas gikan sa imong pagpitol kanila.
Apan sa pagkatinuod pagpitol nga wala nimo ipasundayag sa tanan tungod kay bisan sa imong kaugalingon wa ka magdahum nga kun aduna kay armas de fuego nagpitol ka sa imong isigkatawo.