Ang nagkainit nga panahon maoy nagkaluha sa nagkainit usab nga politikanhong kalihokan sanglit karong umaabot Lunes Mayo 13, 2013 mao na man gayod ang adlaw sa atong pagpili og mga kandidato nga buot natong molingkod sa katungdanan.
Taliwala niining maong kahimtang dili usab nato mahiklin nga daghan usab ang mosulod og senihan alang sa pagwagtang sa kakapoy ug paglingaw nga usahay mapugngan lang tungod sa gipasundayag nga pelikula nga makapuol kay sagad ang mga Tagalog ug Ininglis man lang ang pelikula nga atong matan-aw.
Nunot niining init nga panahon ug politikanhong kalihokan ang The International Institute for Film and Broadcast Arts, IIFA nga nagbase sa Manila mopahigayon og Film and Broadcast training sa tuyo nga tabangan usab sa paglambo ang Film ug Broadcast industry dinhi sa Sugbo.
Si Crispo Mojica nga taas na og kasinatian sa commercial ug broadcast production nga maoy founder sa IIFA moanhi dinhi sa Sugbo sa Mayo 21 hangtod sa 24 alang sa iyang pagpaambit sa iyang kasinatian nga sa tuyo nga matabangan usab sa pagpalambo ang maong industriya alang sa kaayohan usab sa lumad nga mga Sugboanon pinaagi sa pagpanggama og mga Pelikulang Binisaya.
Naglakip sa tulo ka adlaw nga mga pagbansaybansay nga pagahimoon nga ipahigayon sa Handurawan Pizza Cebu nga molungtad sa Mayo 21 hangtod sa 24 mao ang Directing, Cinematography, Production Management, Acting on Camera, News and Sports Broadcast Performance and Broadcast Engineering ug uban pa.
“For our country’s movie industry to revive it needs a national support not just from the capital Metro Manila but from micro levels too and this is Metro Cebu, Davao, Cagayan de Oro, Iloilo and all of our cities,†ni Majica pa sa iyang pamahayag.