Ania ang mga konkretong sugyot:
1. Tambal gamit ang mga ritwal
Kaniadto ang mga tawo naanad sa mga ritwal. Gani, dako kaayo og kahimoan ang ritwal diha sa pag-alim sa mga samad gumikan sa pagkawala sa mahal sa kinabuhi diha sa kamatayon. Hinuon kining maong mga ritwal ang wala magpasabot gyud sa kanunay og sakramento. Ang ritwal mao ang paghatag og kahigayonan sa mga tawo aron mohilak o magminatay, sa laing bahin, paghatag usab kini og dapit sa mga hingtungdan nga mopadayag sa ilang mga pagbati ug mga kaguol sa mas konkreto ug mas emosyonal nga paagi.
2. Paggiya diha sa pagtiwas sa angay’ng tiwason
Naglambigit kini sa mga praktikal nga mga bulohaton sama pananglit sa pagbayad sa mga bayranan, paghikay sa mga papeles o dili ba kaha ang pag-atiman sa patigayon o negosyo nga nabiyaan sa namatay.
3. Pamaagi nga gisugyot sa Gestalt psychology
Apil na niini ang paggamit sa tagsa-tagsa ka imahinasyon o pantasya, aron sa ingon ang mga tagtungod magiyahan diha sa ilang paghimo og usa ka mas personal nga pakigkukabildo sa namatay. Pagadumalahon kini sa counselor kun duna. Kini ang mahitabo sa maong proseso.
a. Dapiton ang mga partisipante nga mopiyong sa ilang mga mata ug mogamit sa ilang imahinasyon.
b. Sa ilang imahinasyon, sila giyahan diha sa pagkalot sa lubong. -- Sumpayan pa