Si Director Felipe Deri sa Cooperative Development Authority (CDA) mipapanumpa sa miaging Abril 9, 2013 sa mga opisyales ug mga sakop sa nagkalainlaing komite sa United Senior Citizens Multi-Purpose Cooperative of Cebu City (USCMP-Cebu City).
Nanumpa sila si Director Joe Gapas, chairman; Flor Pesquera, vice chair; Tess Delfin, secretary. Lita Lumibaw, treasurer; ug mga Board members: Engr. Dodo Abella, Dr. Nick Maglasang, Dodong Casinillo, Mary Aleonar, Trify Palmares.
Nanumpa usab ang mga sakop sa committee: Audit: Chit Lugo, Nick Ampatin, Doming Nacua; Election: Vita Padilla, Serge Cantones, Fanny Velez; Education: Flor Pesquera, A.M . de la Serna, Dodo Delmo; Credit: Betty Diocampo, Purita Matugas, Gloria Villaflor; Ethics: Linda Casinillo, Dulce Salazar, Esper Dioko; Mediation & Conciliation: Rey Mojica, Toto Panilong, Cecille Olita.
Hinumdoman nga ang unang mga kooperatiba sa kalibutan, natukod gumikan sa kalisud. Sa mga 18th century, pipila ka mga nagtrabaho sa pantalan sa Britanya, nagtukod og kooperatiba. Ingonman sa Scotland, pila ka pudyot sa mga trabahante napugos pagtukod og kooperatiba gumikan sa kalisud.
Sa Englatera, nakita sa mga mamumuo nga samtang nagmauswagon ang mga tag-iya sa capital, ang labor sector nagkalisudlisod. Matud pa: “capitalism began to show its ugly side,†nagkalapad ang gap tali sa mga kabus ug adunahan.
Ug tubag niining tanan, si Robert Owen, ang giisip nga father of cooperation, usa unta ka manufacturer, usa ka elite, nahimong social worker, ug mitukod og kooperatiba.
Sa tuig 1843, natukod ang giisip nga unang successful consumers coop, ang Rochdale Equitable Pioneers Society nga buhi pa hangtud karon. Sa Germany, sila si Freiderich Weilhelm Raiffeisen ug Schulze-Delitch mitukod niining atong gitawag karon nga credit union o credit cooperative. Matud ni Raiffeisen, “the only recourse was for people to help themselves.“ Nganong dili man ni nato mahimo dinhi? Ug nganong magtukod pa man og laing kooperatiba sa mga senior citizens?
Ug ayaw kalimot, paminaw kanunay sa Senior Citizens Hour sa dyRC, 648 kHz matag Sabado, 4:00-6:00 pm. Tels. 4125249, 4125298.