Gibalita nga dunay usa ka babaye, college student kuno, nga naghuramentado dihang wa tungaha sa lalaki nga iyang gikasabot nga sila magkita sa usa ka motel.
Ang maong babaye, suma sa balita, nangulata sa roomboy sa motel ug sa drayber sa taksi nga mihatud kaniya sa motel. Gipatid-patiran usab niya ang barangay tanod nga mitabang unta sa pagpabugnaw kaniya.
* * *
Tungod kay grabe gyud ang pag-wild sa maong college student, napugos ang mga polis sa pagpasud kaniya sa police detention cell.
By the way, didto kini nahitabo sa Pasay City, niadtong miaging Domingo (sa miaging semana).
* * *
Makauuaw ang gihimo sa estudyante. Dakung eskandalo ang namugna. Bisan wala kuno kini magsul-ob sa uniporme sa iyang gitunghaan nga eskuylahan, nahibaw-an sa kapolisan ang ngan sa eskuylan pinaagi sa ID sa babaye.
May nalang kay gihilum lang sa mga polis ang eskuylahan sa babaye, usa ka humanitarian act diin nasalbar ang babaye sa dakung kauwaw.
* * *
Usa ka sakop sa usa ka inilang women’s rights organization misulti nga ang maong eskandalo nga nahitabo sa motel premises didto sa Pasay City, usa ka makauuwaw nga drama sa kinabuhi (drama in real life) apan usa usab ka pardonable act.
Wa kuno kadto mahitabo kun wa lay tawo nga wa motuman sa iyang saad. Ang buot niyang ipasabaot mao kadtong lalaki nga sa linguwahe pa sa mga istambay “miindiyan†sa pobreng babaye nga mituman sa iyang bahin sa ilang gikasabutan.
* * *
TRIVIA. Daghang salamat sa atong mga magbabasa diha sa Tabada-Mambaling.