ENERO. 20, 2012: Pangilin ni Senyor Santo Niño
Mga Pagbasa: Is. 9:1-6/ Sal. 98/ Ef. 1:3-6, 15-18/ LK. 2:41-52
Usa ka Religious Experience alang kanako ang Gozos ni Senyor Santo Niño. Daw sa motuhop gayud sa akong galamhan ang mga Pulong ingon man ang huni. Hinuon, dili lang kini emosyonal nga isyu kon dili buhi ang Sto. Niño nga nagtudlo kanato og buhi usab nga pagtulon-an.
Gamhananan ang bata bisan sa iyang kayano. Kuyog ning gahom ang kamabulukon ug kamahuloganon diha sa mapaubsanong pag-angkon sa atong kakabus ug panginahanglan. Ang bata nipahinumdom nato nga dili maayong magpagarbo sa hilabihan. Ang Santo Niño nipahinumdom kanato nga diha lamang sa ka-inosente ug kayano anaa ang tinuod nga kalipay.