Usa ka kaila tang maestra sa elementarya misuway og testing sa iyang mga Grade Six nga estudyante kabahin sa ilang nahibaw-an bahin sa Pambansang Awit. Iya ning buhaton matag tuig.
* * *
Matud ni Sir sa kapin sa 30 niyang pupils atol sa iyang pagpahigayon sa testing, walay bisan usa ang naka kompleto og suwat sa lyrics sa Bayang Magiliw.
* * *
Diha kuno pipila nga nakakompleto’g suwat apan wala magkadimao ang mga wording sa awit. “Dihay mga wording nga di man tinagalog, di man binisaya,” matud ni Titser.
* * *
Pipila sa mga wording nga gi-quote ni Sir mao ni: “Bayang bagilo” ... “Perlas nang silingan” ... “Sa didbiboy buhay.” Naa pay uban nga nalimtan nako’g jot down.
* * *
“Hinuon suheto sila sa music kun tuno sa maong awit,” suma pa ni Sir. “Apan lagi sagolan gyud og la-la-la ug humming sama sa magpatug tag bata.”
* * *
Pero duna tay higalang nagtudlo sa Chinese school nga matud niya ang mga Tsinoy niyang estudyante lehiro kon maayo kaayong manganta sa Pambansang Awit, gikan sa sinugdanan hangtud sa katapusan.
* * *
TRIVIA. Manghinaut kita nga magmalinawon ang National Thanksgiving affair alang kang San Pedro Calungsod ... Daghang salamat sa atong mga magbabasa diha sa San Remegio ug Daan-Bantayan. Hinaut unta magpadayon ang suporta ninyo sa Banat News.