Dear Banat News ,
Hello sa tanang readers ! Ako diay si MJ, 25 years old ug nagtrabaho isip call center agent. Ganahan gyud ko mobasa og LOVE story, pampawala sa kalaay.
Naa nakoy uyab, siya si Montessa ug usa ka tuig na ang among relasyon. Nagkaila mi niya tungod kay schoolmate mi pag-high school. Nagkasuod mi kay magkakita man mi matag reunion, hangtod nga nagkasinabot nga mag-date. Upat ka bulan sad nako gi-date si Montessa sa wala pako nako siya panguyabi . Mas maayo nang manguyab ta nga sure na gyud ta sa atong feelings para dili pud luoy ang girl.
Ganahan kay ko ni Montessa kay buotan ug guwapa pa gyud. Wala gyud ko nagdahom nga ako ang iyang pilion. Sa tinuod lang, upat ang kadungan nako nga nanguyab kaniya. Ang akong mga kompetensya niadtong higayona kay mga hitsuraan pud. Hinuon , dili pagpanghambog, naa puy ikabuga akong hitsura.
Sa dihang nangutana ko ni Montessa kun nganong ako ang iyang gipili, niingon siya nga dili daw ko arte ug gentleman kuno ko. Ako daw ang suitor nga wala gyud siya gi-pressure.
Nindot ra kaayo ang dagan sa among relasyon kay dili gyud gubot. Duna man gud mi salig sa usa'g-usa. Amo gyud nga gisaad nga dili gyud mi magpatintal og laing tawo. Amo gi-promise nga kami na gyud ang mag-uban forever. Target namo nga lima ka tuig gikan karon kay magminyo nami.
Apan sa dili pami magpakasal, mamalit mi daan og balay ug yuta. Karon pa lang daan, nagsugod nami og tigom ug karong December, manglarga ming duha sa Canada aron manarbaho.
Request lang ko sa lyrics sa Ikaw at Ako by Moira dela Torre.
* * *
Hi MJ! Thank you so much sa imong LOVE STORY! Paabuta ugma puhon ang imong request.
Dear suking readers, aduna ba kamo’y LOVE STORY? Suwata ka na ug ipadala pinaagi sa pag-like sa atong Facebook Page: Banat News Hugyaw (BNH) o Banat News. I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.