Dear Banat News,
Hello sa tanang avid readers sa Banat News Dili gyud nako sipyaton ang pagbasa og LOVE STORY. Ako diay si Niño, 22 years old ug second year college student.
Onse ka buwan na ko nga wala’y uyab ug nalingaw ra gyud ko sa akong pagka-single.
Akong gibuhat ako gi-enjoy ang akong pagka-single uban sa akong masaligan nga friends.
Malipayon ra kaayo ko sa akong kinabuhi karon ug naka-focus gyud ko sa akong trabaho isip staff sa usa ka hotel.
Akong katapusang nauyab mao si Neda, usa ka call center agent.
Taod-taod na man mi nga nagkaila, sukad mi namalhin og puyo sa akong family dinhi sa Cebu. Same ra mi og barangay nga gipuy-an ni Neda, lain-lain lang ang among sitio.
Nagkaila ra pud mi tungod sa pipila ka activities sa among barangay. Sige og tupo kanamo ang among friends.
Maulaw gyud baya ko anang tupo-tupo, mokatawa ra man si Neda sa higayon nga sungugon mi sa among friends.
Naabot gyud sa level nga nagka-MU o mutual understanding ang among status, hangtud nga nagka-uyab gyud.
Apan nihangyo ko ni Neda nga sekreto lang ang among relasyon kay dili ko gusto maminaw og daghang reaksyon sa ubang tawo. Mas maayo nga pribado lang para walay samok.
Bisan akong barkada, amo ipalabas nga mag-bestfriends mi. Niabot baya gyud og duha ka tuig ang among tago-tago nga relasyon.
Seguro ang among barkada, nakahalata na sa among linihokan, sila ra’y nisabot ug wala na lang pud nagkuti-kuti kanamo.
Naabot ang panahon nga na-busy og maayo si Neda sa iyang trabaho. Kalit lang ma-cancel ang among mga date.
Napungot na gyud ko niya kay dunay higayon nga nagsabot mi nga magkita sa usa ka lugar. Nisaad siya nga motunga gyud siya, apan naabot na lang og usa ka oras, wala gyud siya naabot. Kalit siya nga ni-text nga dili siya madayon og abot kay naa siya kalit-kalit nga meeting.
Naglagot ko niya og maayo ako siyang gibuwagan tungod sa akong kalagot. Nisugot ra man pud siya nga magbuwag mi para daw maka-focus na pud siya sa iyang work.
Kapoy na og adjust sa iyang ka-busy uy. Bisan bag-o pa mi nagbuwag, nakadungog nako og mga tsika sa ubang tawo nga duna siya’y bag-ong uyab. Igo na lang ko sa paghilak. Kanang uyab niya karon kay nag-iring iring na sila sa una kadtong uyab pa mi. Dili na lang ko modetalye sa iyang gibuhat sa una. Hinoun, happy ko kadtong uyab pa mi. Ako may nakigbuwag, aw panindigan na lang gyud nako. Mo-request lang ko sa lyrics ug chords sa Pwede Ba by Soapdish.
Hi Niño! Thank you so much sa imong LOVE STORY! Paabuta ugma puhon ang imong request
Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini:
Love Story C/o Banat News