Grade 11-ABM-B, Daanbantayan National High School
Pulos tam-is ang mga pulong sa iyang mensahe
Balaknon ug makapakilig gayud ang sulod niini
Ikaw pud, nasulod dayon ka's laang sa maong laki
Abot gyud sa dalunggan imong ngisi
Mukuyog ka niya bisan asa
Kay lagi, tinuod kini nga gugma
Ang tanan, kaniya imong gitugyan
Sa kalipay, mura ka'g giduyan-duyan
Apan usa ka adlaw imo na lamang nahibaw-an
Nga duha diay mong iyang gisipit-sipitan.
Hastang dugaya gyud nimo nakaamgo
Wa dayon ka kamata sa pagkahinanok sa maong damgo.
Ang imong dughan daw gikunis-kunis sa mangtas
Inyong mga kaagi lisod mapapas.
Mura ra gyud kini'g usa ka dakong hunas,
Bisan unsaon, dili gyud makab-ot sa tubig ang baybayong adunay nakasulat sa balas
Maayo pang mag-move on na ka niya
Ug ang imong higugmaon kay ang pag-eskwela
Sayo pa kaayo aron sa gugma ikaw magpakatanga
Paabutang mohingkod ang kahoy aron mapupo na nimo ang gikahinamang bunga
Pareho ra na's iyang bulawang alahas,
Sa kasilaw ug kanindot, naggilak-gilak
Apan kun imong tukion, peke ang maong kwintas.
Maong ayaw dayon padala kay ang tanan atik ra!
Kining atong kalibutang gipuy-an
Pwerte kadako niini'g wanang.
Apan kun sa paglakaw magpaka-buta kita,
Sa lit-ag, mabitik.
KATAPUSAN NA KINING HUGOT. Sunod Biyernes, jokes, favorite quotes ug pick-up lines na ninyo atong ipatik. Busa ipadala na kana pinaagi sa 0933-336-8999. Ilakip gyud inyong ngalan ug address. Pwede sab mo mu-greet sa inyong crush ug uyab with matching kilig quotes.
Hatagan na sab nato’g luna ang inyong birthday, anniversary ug monthsary greetings sugod sunod semana. Apan kinahanglan nga aduna gyud kini sukip na picture sa inyong kasaulogan. Ug kinahanglan sab ninyo i-like ang Banat News FB page aron didto ninyo ipadala ang mga hulagway. Kining tanan, among dalit kaninyong tanan agi’g pasalamat sa inyong makabungog nga pagsuporta sa Banat News Kalandrakas sukad kini nahimugso niadtong December 1, 2015. Busa text and send na, kalandrakistas! - Gamaliel Jordan B. Languido