Daanbantayan National High School.
Gisalipdan sa bagang dag-om ang kahayag sa mga bitoon
Gisaupan sa dagkong balod ang kaputli sa baybayon
Kining akong pagbati, bugnaw pa's kagabhion.
Napapas na sa akong mga ngabil ang kaniadtong tam-is nga pahiyom
Daw basakan nga naughan kining akong dughan
Ang tanang kasakit, kahiubos, ug kalagot dili na mamahimong matambalan
Kay kining kasing-kasing lawom ang samad nga nahiaguman
Ug ang mga buhing ugat, dili na makaplagan pag-usab
Dili ko na handumon, dili ko na tandugon
Ang atong mga nahikalimtang kaagi kagahapon
Kay usa lamang ka hunahuna ang 'gugmang dayon'.
Gakson ko na lamang ang kamatuorang wa na tay paglaum
Sama sa dagkong punuan sa kahoy
Moabot ang panahon nga sila mag-ilis og bag-ong dahon
Hinay-hinay’ng mangalarag ang mga laya
Ug kaunon kini sa mga liki sa yuta
Kining punu-ana, patay kun imong tan-awon.
Apan moabot pag-usab nga kini uwanon
Ug manalingsing ang bag-ong paglaum.
Mohimsog, ug mas molig-on ang iyang kaugalingon! - Gamaliel Jordan B. Languido - Grade 11-ABM-B