Gula 125
Nangunot ang agtang ni Mylene sa nagtawag kaniya'g Erica wala makaila nagtuo gani kini nga usa ka modelo natulala si Mylene. "Hoy babaye nalimot na ka nako? Or wala naka makaila nako? Aw hinuon dili na ka makaila nako kay mishofa na si oks barrel," matud pa sa nagtawag niya'g Erica.
"Sorry, pero wala man koy nahinumduman nga may kaila kong modelo?" matud pa ni Mylene.
"Ayyyy... model na jud kong tan-awon gawas nga may gandang hindi mo inaakala ako ni oy gaga, si Melche," matud sa nausab nga hitsurang si Melche nahasiga ang mata ni Mylene.
"Melche? Ikaw na? Kababaye na ba nimong tan-awon oy," matud pa ni Mylene mibira og lingkuranan ang bayot. "Mulingkod ko bisa'g wa ko agdaha," ni Melche pa dayong lingkod.
"Wala na man ko makaila nimo miguwapa ka man mura ka na man gyu'g babaye tan-awon nagpausab ka sa imong ilong? Taloytoy na man gud kaayo unya mihamis ang imong kutis ug miputi ka'g maayo. Mi-slim pa gyud dili na ikaw ang kanhing Melche nga akong nailhan," matud pa ni Mylene nga na amaze sa iyang nakita kang Melche.
"Ingon ani gyud ni bayot basta maminyo ka'g foreigner," matud pa ni Melche.
"Foreigner? Naminyo ka?" ni Mylene pa ."Oo oy, German akong bana day businessman utading bagting ang anabibang ni oks barel. Didto sa Germany ko nagpausab sa akong ilong halos tanan day ohh look at my boobs? Look at my face? My nose, my chin and everything on my face salamat doc ni bayot. Basta may dada mabuhat ang tanan," matud pa ni Melche. Samtang si Kyle ug Pia naminaw lang nalingaw si Pia sa pagkatabian ni Melche.
"Wow ha bigatin na diay ka ron?" matud pa ni Mylene. "Mismo. Babaye na ko ron no, babaye ko didto sa Germany. Transgender, transsexual ug tanang trans-trans diha apil pa ang transit liner nga bus paingon sa south kusog managan," ni Melche pa nga mibuhakhak og katawa.
"Hoyyy.. katawa baya niya pwerting kusoga gipanan-aw ta sa ubang customers oh," matud pa ni Mylene nga hinay nga mikatawa."Kever nila." Dayon gilingi ang usa ka lalaki didto sa pikas table nga nagsige'g tan-aw niya, "di ba guwapa ko no? Ikaw sad, gwapo kuyog ta ron ha asa man ka human nimo'g lamoy diha? Nabayran nana nimo ang imong gifang diha? Akoy bayad kuyog ta later," matud pa ni Melche nga mikidhat pa sa guwapong customer sa pikas lamisa. Mikatawa ra sab ang maong lalaki.
"Buang jud ka oy wala gyud ka mausab ay," matud pa ni Mylene. Unya mibalik ang waiter dala ang credit card ug resibo sa ilang gikaon ni Mylene.
"Edaran na gyud ka day pero nagpabilin gihapon kang shofa. Ams-ams na jud ang imong dating," matud pa ni Melche. "Hoy gipangita tika sa facebook oy pero wala gyud ko kapag sa imong ngan didto sa facebook ay," ni Melche pa.
"Nah, wa koy panahon sa social media bayot," matud pa ni Mylene.
""Taud-taud na gyud ta nga wala magkita human ka gikasal ni baby Andy nako kumusta na man siya oy?" ni Melche dayong milingi nila ni Pia ug Kyle. Misiga ang mata sa bayot, "hala! Ikaw na baby Andy? Wala lagi ka musab? Bata lagi gihapon ka?" matud pa ni Melche.
"Ako nang anak oy si Kyle diay tuod ug ang iyang hinigugma si Pia. Pia, anak Kyle, si tito Melche ninyo," pagpaila-ila pa ni Mylene kang Melche. "Hala ha manghagis ron ko dinhi," matud pa ni Melche. "Ha? Nganong manghagis man ka?" pagkahibulong ni Mylene.
"Gibastos ko nimo bayot wa ka magtan-aw sa akong hitsura,..psstttt Dong." Gitawag ang lalaki sa pikas table, "di ba guwapa ra kaayo ko nga tawgon og tito? Wala siya maulaw nga tawgon ko'g tito," matud pa ni Melche ug sa makaduha ka higayon mikidhat na sab kini sa gwapong lalaki.
"Excuse me pwede mobut-in? Nganong Erica man ang imong tawag kang mama? Pagpangutana ni Kyle ngadto kang Melche.
"Kay Erica man bitaw na siya Erica ang iyang ngalan sa club nga among gitrabahoan kanhi," matud pa ni Melche nga way prino ang baba. (Sumpayan).