Dear Tita Salie,
I’m Ms. Veronique from Cebu. My problem is about my classmate nga inggitera ug himantayon. Always man gud siya nga magpadungogdungog nako nga feeling dato kuno ko.
Hapit na g’yud maupos ang akong pasensiya, Tita. Palihug pasabta ko kun unsa ang akong buhaton.
* * *
Dear Veronique,
Dili na ikahibulong nga may mga tawo g’yud nga ingon niini, nga sila malipay kun maguol ka. Apan hinumdomi nga kun masuko ka o kaha mohilak, mosamot ang ilang pagka himantayon.
Sulayi pagpamalandong ang imong kaugalingon ug pangutan-a ang imong kaugalingon ngano nga mainggit man sila nimo? Ngano nga mamantay man sila? Sulayi kini, Ms. Veronique, ayaw paglikay nila kay kun molikay ka, sila mokontra gayud nimo.
Atubanga sila, timbayaha sila ug duola nga mahigalaon ug uban ang pagkamatinahuron kay basin og mas makiling sila ug dili na manghilabot kanimo. Pag-ampo sa Diyos.
Bisan tuod ang Diyos dili mogarantiya nga ikaw mahigawas sa kadaot, apan ang Diyos makahatag kanimo og kaisog sa pag-atubang sa mga pagharongay ug maghatag kanimo og kaalam nga gikinahanglan sa pagpabugnaw sa kaisipan. - Tita Salie