Dear Tita Salie,
Just call me Fiber from Davao City, but ania ko sa Cebu nag-work karon. Nagsunod ko sa Banat Inbox kay ganahan ko sa mga pulong nga gikan sa Bible. Ask lang ko ngano nga angay man nga sundon ang mga prinsipyo sa Bible? Pasabta ko.
* * *
Dear Fiber,
Hinumdomi nga ang Bible maoy pulong sa Dios. Kun atong sundon ang iyang mga prinsipyo, sama ra nga kita misunod kaniya ug kita mahimong iyang suod.
Sa pagsunod nato sa prinsipyo sa Bibliya dili lang kay makahatag kini nato og espirituwal nga kaayohan kondili makatabang usab kini aron maangkon ang atong materyal nga panginahanglan.
Ang mga prinsipyo sa Bible makahatag kanato og panalangin kay iyang itagana kun unsa’y atong gikinahanglan.
Ang Bibliya nag-ingon nga “Kining mga pulonga nga akong gisugo kaninyo niining adlawa kinahanglang maanaa sa imong kasingkasing ug isilsil mo kini sa imong anak.”
Kining mga prinsipyoha makatabang gayud sa mga ginikanan nga ang ilang mga anak moalagad sa Dios ug matabangan sila nga malikay sa mga daotang impluwensiya. – Tita Salie