Nagpasalamat si Kenn kang Lyn nga gidasig siya niini nga dili mahadlok pagpanguyab pagbalik og babaye nga iyang magustohan.
Unya milanog ang tingog sa announcer sa baylehan nga nagpahibalo nga adunay ipatugtog nga sonata nga pabaylehan sa tanan. “Bayle sa tanan! Baylehe ninyo ang awit ni Tessie Lagman -- Come Back My Love !
Pagsugod pa lang sa pasakalye sa awit, ingon sa gibayaw sila si Lynn ug Kenn sa mananoy’ng tugtog. “Tana Lyn, manayaw ta!” agni ni Kenn sa dalaga.
Naggunitanay sila sa kamot nga paspas kaayong milakaw paingon sa baylehan. Deritso sila nga naggakos ug maayo g’yud nga pagkasampak sa masi’g nila ka mga lawas sanglit wala gayud manukod si Lyn.
Wala kapugngi ni Kenn ang pagpahit sa iyang waet sa kalalim nga iyang gibati. Huot kaayo ang baylehan tungod kay nahurot ang kadalagahan nga gisayawan sa kalalakin-an.
Nakabantay si Kenn nga gidaog na siya sa grabe’ng kahinam tungod sa panagdikit sa masig ka lawas nila ni Lyn. Mura’g may migahi nga bahin sa lawas ni Kenn. Miigwad siya’g gamay aron dili makabantay si Lyn.
Dayon nakabantay sila si Lyn ug Kenn nga nagpahiyom diay nga nagtan-aw kanila ang ilang duha ka amiga nga sila si Alice ug Clemen. “Kamo ha? Sekreto ra g’yud mo’g labok?” ni Alice pa nga nanungog.
“Kananoy g’yud niining kantaha no?” matud ni Lyn. “Bitaw, kun makadungog ta mura kita og ganoyon sa awit,” ni Kenn. Unya, namalik sila sa lingkoranan ilawom sa kahoy. (Sumpayan)