Dear Tita Salie,
Good morning to you and how are you? Anyway, just call me Anzkie. Ang problema nako kabahin kini sa akong uyab karon. Kanunay man gud ko niya nga hagiton nga magbuwag kun mag-away mi. Love man gud kaayo nako siya, Tita Salie. Mura’g dili g’yud nako makaya nga magkabulag mi. Unsay akong buhaton Tita? Palihug pasabta ko aron nga malamdagan ang akong huna-huna ug kagiyahan ko unsa’y tukma nga buhaton.
* * *
Good morning Anzkie,
Ang matag problema adunay solusyon. Sa relasyon, dili basta-basta na lang nga modesider nga magbulag na abi kay ang usa magsige’g hagit nga magbulag kun mag-away. Kini maoy kasagarang isulti sa imong uyab.
Misulod ka sa usa ka relasyon nga wala maghunahuna og negatibo. Anzkie, masulbad ang inyo’ng wala’y maayo’ng pagsinabtanay kun adunay open nga komunikasyon. Atong tagdon ang natala sa kasulatan nga napatik sa Proverbio 25:11 nga nag-ingon: “Ang usa ka pulong nga gisulti sa husto’ng panahon maoy sama sa mansanas nga bulawan diha sa linilok nga plata.” Dili tanang panahon wala’y pagsinabtanay, adunay malinawon. – Tita Salie