Dear Tita Salie,
Good day. Tagoa lang ko sa pangalan nga Ms. Beautiful, single mother. Duna ko’y uyab karon apan minyo siya ug duna pud siya’y duha ka anak sa iyang asawa.
Karon nahunahuna nako, Tita Salie, nga dili maayo ang among relasyon kay kabit ra man ko. Mao nga ako siya’ng gibuwagan apan dili na siya mosugot.
Unsa may angayan ko’ng buhaton? Palihug pasabta ko, Tita Salie. Thank you so much and more power to you.
* * *
Good Day Ms. Beautiful,
Sa pandungog sa mga tawo dili gayud maayo pamation ang pulong kabit. May anak ka, unsa may mahitabo kun modako na ang imong anak. Dili maayo ang impluwensiya sa mga tawo kaniya. Ug posible pa nga moturok kaniya ang hugaw unya’ng hunahuna.
Ms. Beautiful, pakigsulti kaniya sa mapainubsanon. Isulti niya kun unsa’y naa sa imong kasingkasing. Isulti niya kun unsa ang imong tumong. Isulti niya ang rason. Pagdesisyon uban ang integridad kay kini maoy mag-isip kanimo nga matarong. Ang kasulatan (Proverbio 20:7) naghatag kanimo og giya pinaagi sa pag-ingon: “Ang matarong nagalakaw diha sa integridad. Malipayon ang iyang mga anak sunod kaniya.” – Tita Salie