Dear Tita Salie,
Have a good day. Ako si Danny, 20 years old. Ang akong problema about sa akong pagkaadik mag-masturbate sukad pa sa na-edad ko’g dose hangtud karon. Di ba ni makadaot, Tita Salie? Unsaon pag-undang nato ani nga bisyo?
Palihug pasabta ko sa maayo kong buhaton. Daghang salamat.
* * *
Maayong adlaw Danny,
Pananglitan, sa dihang mag-masturbate ka ang imong hunahuna nasentro lang sa imong gibati. Isipon sa tawong nag-masturbate ang kaatbang nga sekso ingong butang sa pagtagbaw sa iyang kamaibogon. Ang masturbesyon maoy usa ka matang sa kahugawan, mahimo ka niining ulipon.
Aron matabangan ka sa pagsumpo niini ang Bibliya nagtambag sa Proverbio 5:8,9 sa paglikay sa mga kahimtang nga makapukaw sa seksuwal nga gana. Ug ang Salmo 119:37 nag-ingon nga ilikay ang imong mga mata sa pagtan-aw sa mga butang nga walay pulos. Pananglitan, kun motan-aw ka’g sine o salida sa TV nga adunay makapukaw sa kamaibogon likayi na kini.
Busa paningkamot sa pagbaton og timbang nga panglantaw. Importante nga imong suklan ang kamaibogon ug ayaw pagsurender sa pagpaningkamot nga mabuntog kini. Kay kun ikaw maningkamot ang Diyos motabang niini. - Tita Salie