Dear Tita Salie,
Hi! Just call me Carah. Ask lang ko kun unsa’y maayo’ng buhaton aron mahanaw ang akong pagkamanggiulawon. Moingon ang akong classmates nga guwapa ra ba unta ko galing lang kay dili kuno ko kamao mopahiyom. Makaatrak ba g’yud tinuod ang kanunay mo-smile? Daghan unta ang gusto makig-friends nako pero estrikta kuno ko’g dagway. Pasabta ko.
Hello Carah,
Ang pagkamaulawon normal lang sa usa ka tawo, apan ang subra na ‘sab, dili na kana normal. Apan aron mabuntog nimo ang subra nga pagkamaulawon, sulaye kini nga mga paagi.
Una, paghunahuna og mga posible nga mga butang, pananglitan, hunahunaa nga lig-on ka sa imong pagkatawo. Ikaduha, hunahunaa nga wala’y perpekto kanato.
Kita’ng tanan dunay mga kahuyangan. Ikatulo, ayaw hunahunaa nga kun supakon ang imong opinyon gisalikway ka na.
Maoy ibutang sa imong hunahuna nga kun si bisan kinsa nga mahimo’ng takos nga higala dili gayud mohukom sa panagway kun dili sa imong pagkatawo.
Tinuod nga ang pahiyom importante kaayo. Kay mao kini moabli sa panag-estorya hangtud sa panaghigala. Ug ang pahiyom motabang usab kini nga mabuntog ang pagkamaulawon.
Simple lang ang paghimo niini. Una pahiyom, ikaduha komustahay, diha-diha magsugod na ang inyo’ng panag-estoryahanay. -- Tita Salie