Ang dakong problema nako karon mao si Red. Wala ko masayod kun unsay akong buhaton aron mahunong na ang pagpunay niya’g pahimulos sa akong pagkababaye. Nagdasa ang panuway kay dili man ko makapalag.
Nag-abuso ang kanahan. Sige lang siyang makalibre nako. Agresibo ra ba siya kaayo. Basta makasugod na’g tapuko, dili gyud ko niya lung-an kun dili molagom. Pastilan.”
“Mo-day off ka karon? Gipangutana ko ni Red usa niana ka buntag sa adlaw’ng Domingo.
“Ngano man diay?” Gisumbalik ko siya’g pangutana.
“Kun mo-day off ka, magkita ta sa gawas. Mo-check in ta sa hotel.”
“Soloha.”
“Tan-awa ka ra. Ayaw na gani pagminaldita. Tingali’g nalimot ka nga akoy naggunit sa alas. Sa usa lang nako ka sulti, seguradong motuo si Mrs. Elvira Lim. Ug ikaw ang makaluluoy, Jezebel.”
“Subra na ang imong pag-abuso, Red.”
“Wa ko mag-abuso, Jezebel. Gipahimuslan ko lang nga pabor nako ang kahigayonan. Unsa man? Mo-day off ka ba karon?”
Wala ko motingog. Ang tinuod, gusto unta kong mo-day off, pero misantop sa akong hunahuna nga basin mag-atang si Red iniggawas nako sa balay aron i-check in ko sa hotel. – Sumpayan pa