Dear Tita Salie,
Have a wonderful day. Just call me Jeanette, 29 years of age. Duna ko’y kaipon ug naa kami anak nga 3 years old. My problem is ang akong kaipon nagkarelasyon og kauban niya sa work ug dunay nahitabo nila. Actually, nangayo’g pasaylo nako ang akong kaipon. Ug gihatagan nako’g one chance.
Akong giingnan what if kun ako magbuhat sa ingon dawaton ba ko nimo? Ingon siya, Tita Salie, dili daw. But wala na koy salig niya. Mao karon nakipag-chat ko’g foreigner. Husto ba ko? Please pasabta ko. Thank you very much and more power to you.
* * *
Hello, Jeanette! Good day. Ang kinabuhi mura gayud og trahedya nga usahay moabot kini ug modaot sa mga balay ug magbilin og masakit nga kasaysayan. Apan adunay pipila nga nagpabilin tungod sa lig-on nga baruganan. Ingon niini ang kaminyoon, kun kini adunay Diosnong debosyon matukod kini nga lig-on. Nagpasabot kini og pagkasagrado, sa laing pagkasulti kasado.
Jeanette, wala kay mahimo sa pagputol sa bisyo sa imong kaipon kay lagi dili mo kasal. Nganong dili mo magpakasal labina kay naa na moy 3 years old nga anak? Inigkadako sa imong anak unsa kahay kaugmaon kun mahitabo nga madayon ang inyong panagbulag kay may foreigner ka na. Pero kining tanan ikaw gihapon ang magdesisyon. – Tita Salie