Gula 85
Gitug-anan nako si Edward sa hinungdan nga wala na ko ganahing mopuyo sa amo. Gisamokan ko sa kanunay nga panaglalis nila ni tatay ug nanay.
“Managsama diay kita og problema sa atong mga ginikanan,” nagkanayon si Edward.
“U-unsay buot mong ipasabot?” Gisukit ko siya.
“Kanunay sab maglalis akong mga ginikanan. Wa ko masayod kun unsay hinungdan. Kun di pa tungod nimo dugay ra kong mibiya sa amo. Mao nga pagkasayod nako nga nia ka na sa Tagbilaran, miagpas dayon ko nimo. Maayo pa dinhi kay wa tay problema. Pulos lang palami ang atong hunahunaon.”
“Naunsa man ang atong mga ginikanan, uy. Nagpabadlong man hinuon imbes mga guwang na.”
“Pasagdi lang na sila. Ang importante nga sige ang atoa.”
Pagkagabii, didto ko mohigda sa boarding house ni Edward. Wala gyu’y nakatugaw namo kay kami ra mang duha sa sulod sa balay. Amo ang tanang higayon sa pagtagay sa lawasnong kalipay. Gitagbaw gyud namo ang among kaugalingon.
Miabot ang adlaw sa pagbukas sa mga klase. Busy na sab mi sa pagtuon.
Apan taliwala sa ka-hectic sa among schedule sa klase, makahigayon pa gayud kami si Edward alang sa gikabuangan namong buhat. -- Sumpayan pa