Dear Tita Salie,
Good morning. I am very thankful nga even until now anaa lang gihapon ka ug anaa lang gihapon ang imong column aron pagtabang kanamo nga nagkinahanglan og tambag.
Just call me Jemar, I’m a girl, dalaga. Ang akong problema mahitungod kini sa akong lovelife. Mangayo lang ko sa imong advice tungod kay naglibog ko kon unsay akong buhaton.
Wala na man gud mi’y communication sa akong boyfriend, Tita, ug six months na ang nakalabay. Ug dunay manguyab nako sa selpon sa akong amiga. Pero nakaila nako niya diha sa facebook.
Tungod lagi kay ganahan pud ko niya, busa ako siyang gisugot bisan kon wala pa mi magkabulag sa personal sa akong unang uyab.
Husto ba ang akong gibuhat, Tita Salie? Dili ba ko mahimong daotan niini? Palihog pasabta ko. Daghang salamat and more power to your column.
* * *
Good day, Jemar,
Sa kadaghan sa atong kahimanan karon, sa atong bag-ong teknolohiya, sama sa computer ug internet duna tay selpon. Siyaro man lang kon wala gyud moteks o mo-message sa facebook ang imong boyfriend.
Kon tinuoray og seryoso siya kanimo, I think dili siya mahimutang kondili niya masayran ang imong kahimtang. Mangita gyud kini siya og paagi aron makig-communicate kanimo bisan pa man seguro kon napriso siya. Gawas hinuon kun na-missing o kaha patay na ang imong uyab.
Busa wala kay sala sa imong gibuhat nga pagsugot sa lain nimong manguyabay tungod kay wala na may balita ang imong uyab sulod na sa dugay nga panahon.
I think duna kay igong rason alang kaniya kon nganong gisugot nimo ang laing lalaki, kini tungod kay wala na siya magpakabana. -- Tita Salie