Dear DJ Jacky G.,
Mag-18 na ko karong August. Naa ko'y 2-month old nga baby. Gisuportahan mi sa akong uyab nga tua karon sa laing lugar manarbaho. Ganahan unta ko motiwas og eskuwela o motrabaho apan dili siya mosugot. Angay ba nako siya'ng sundon? Unsa man ang akong buhaton? - Jane
Dear Jane,
Dili sayon ang responsibilidad sa usa ka inahan. Labi na sa sama nimo nga sayo nagka-baby. Daghan pa ka'ng gusto'ng mabuhat. Daghan ka og mga ambisyon nga gusto'ng makab-ot. Apan karo'ng naa na kay anak, dili na ang imong kaugalingon maoy imong #1 priority, kondili ang imo na nga anak. Buhata ang labing makaayo niya. Two months old pa ang imong anak, ayaw sa tawon biya-i. This is when your baby needs you most. Ikaw ang inahan. Nanginahanglan ang bata sa imong gugma, pagtagad ug presensiya. Labi na kay layo ang iyang amahan. Kutob sa mahimo, ayaw isalig sa uban ang imong nag-inusarang anak. Angay ka magpasalamat nga gisuportahan mo financially sa iyang amahan bisan og dili mo minyo. So there's no need nga motrabaho pa g'yud ka. Dili buot ipasabot nga kalimtan na nimo ang imong mga ambisyon tungod kay sayo ka nagka-baby. Pwede man ka mobalik ug eskuwela kun naa na sa husto nga edad ang imong anak. Dako kaayo'ng blessing ang magka-baby. Angay nato silang ampingan. - DJ Jacky G
Kung gusto kang ma-feature sa DDJJG, i-like akong FB fanpage ug i-private message imong problema sa: www.facebook.com/djjackyg and follow me on IG: www.instagram.com/djjackyg Mapaminawan ko ninyo sa radyo matag 9-11am, Mon-Fri sa MOR 97.1 Lupig Sila! For Life!