Unsa may kanding nga namugno gabii? Miiknat ang kilay ni Filoteo dihang mitaho si Ardo nga usa ka kanding nga itom og bulok namugno sa may tulay didto sa Sityo Bahagbahag.
Ug ang gibugno mao si Kandoy ang manglutoay’g siyakoy ug maayo kuno kay nakadagan ug maong wala kini mabun-og pag-ayo apan may pinaakan gyud siya dapit sa iyang paa. Ug kahibulongan kay si Kandoy karon nagluya na kuno. Ug grabe ang pagdeliryo niini inig-abot sa gabii.
“Ungo tingali nang kandinga, Ardo,†ni Filoteo pa nga mikagot ang bag-ang sa kalagot sa iyang nadungog gikang Ardo. Si Kandoy iyang ig-agaw og tagruha ug suod pud. “Yamat, kun mao na nga nagdeliryo si Kandoy lagmit madisgrasya tawon siya...â€
“Tua na gani ilang gidala si Kandoy sa ka doktor Amboy,†ni Ardo pa nga mora’g gibati usab og kahadlok. “Sukad nga nia kana si Elyok dinhi sa atong baryo, mitumaw pud kanang maong kanding...â€
“Sige lang, kay akong panid-an kana si Elyok,†ni Filoteo pa nga midiyong ang mga mata. Siya ang hepe sa mga tanod dinhi sa ilang baryo. Tuod, matag gabii, ukyon ni Filoteo ang payag ni Elyok apan mingaw ang payag ug wala siya’y nakita nga kanding, wala man gani bisa’g manok na lang nga binuhi si Elyok. Kini si Elyok taga isla Humot-Sinugba nga nabaniog nga dunay daghang sigbin. Ug ang mapaakan magdeliryo ug unya mamatay. Si Kandoy bag-ohay pa lang nga gilubong nga wala gyud makaagwanta sa kalala sa pinaakan sa kanding.
Usa ka gabii nakita ni Filoteo si Elyok nga nanaog sa iyang payag ug unya milakaw kini’g pipila ka distansiya gikan sa payag ug klaro gyud sa mga mata ni Filoteo nga nahimong kanding nga itom si Elyok. Dinhi giibot ni Filoteo ang iyang pistola ug miduol sa nahimutangan ni Elyok nga usa na ka kanding. “Hoy, Elyok, ikaw diay ang mangtas nga sigbin nga maoy magsige’g pamugno dinhi sa baryo. Karon, sakpan na tika ug bala maoy mohukom nimo!†ug gikablit dayon ni Filoteo ang iyang pistola apan wala kini makabuto. Bisa’g giunsa na lang og kablit ni Filoteo ang iyang pistola wala gyud kini mobuto.
He,he,he, maluya ka lang, Filoteo,†misulti ang kanding nga mao si Elyok. “Gabii ron, ug kun gabii kaming mga ungo dunay talagsaong gahom. Busa, karong gabhiona, suyopon ko ang imong dugo, he, he, he, meeeee, meeee!â€
Wala’y nahimo si Filoteo sa iyang pagsukol kay gisuyop na man ang iyang dugo sa giuhaw nga kanding nga mao si Elyok. Ug namulong ang kanding, “ugma, dad-on ko dinhi sa baryo, ang tanan kong mga sigbin ug anhi na mi dinhi mopuyoo, meeee!†(Kataposan)