Gula 2
Nakalitan ug wala makatingog ang mga barkada ni Herbert pagkakita nga iyang gikuha ang underwear sa babaye gikan sa hayhayan. Abtik kini nga giluklok ni Herbert sa ilawom sa de-garter niya nga short pants ug gitabunan dayon sa iyang taas nga T-shirt. “Ngano’ng gikuha man nimo ang panti part?†wala makapugong pagpangutana si Vincent nga nagsunod ni Herbert sa paglakaw.
“Wala lang gud, nakursonadahan lang,†dali nga tubag ni Herbert samtang milingi kadiyot ni Vincent. Gibauran ni Herbert ang mga barkada nga hilomon ra ang ilang nakit-an. Nagbuwag-buwag na ang magbarkada pag-abot sa basketbolan sa ilang dapit.
Mipaingon na si Herbert pauli sa ilang balay. Anha gayud si Herbert mahiagi sa balay nila ni Charina, ang babaye nga iyang naibgan. Nakahinumdom si Herbert nga sa iyang pag-agi kaganina’ng udto sa balay ni Charina nanghayhay ang dalaga sa iyang underwear.
Gihangad ni Herbert ang balkon nila ni Charina. Didto pa gihapon ang blue nga panti ni Charina nga gihayhay. Mikusog pagpitik ang kasing-kasing ni Herbert. Wala na siya mohunong pa kay nahinumdom siya nga kaganina nakit-an siya nga nagsud-ong sa dalaga samtang kini nanghayhay.
Pag-abot ni Herbert sa ilang balay, mideritso siya’g sulod sa iyang gamay’ng kwarto. Gisirad-an niya ang pultahan. Dayon gikuha niya ang underwear nga iyang gipalugpitan sa short pants. Nahimuot kaayo si Herbert nga nagtan-aw sa mao nga underwear.
Naglatagaw dayon ang iyang huna-huna. Mituyhakaw ang iyang pagka lalaki nga wala lang niya tuyoa. Wala gayud makasabot si Herbert ngano nga mibatyag siya niini’ng talagsaon kaayo nga pagbati kun makakita’g mga underwear sa babaye.
Sa panagway ug bayhon ni Charina nga iyang nakita kaganina samtang nagtapis lang og tualya gikan nga naligo maoy mihadla sa iyang huna-huna. Nagpanglad-ok si Herbert sa iyang mga laway samtang naghuna-huna sa dalaga.
Mihigda si Herbert sa iyang katre aron makapahuway’g kadiyot kay gikapoy sila sa ilang duwa sa basketball sa silingan nga sityo. Gipangandaman nila ang ilang duwa nga anha himoa sa tennis court sa ilang barangay.
Naghuna-huna si Herbert nga molihok g’yud siya’g maayo kay aron nga daygon siya ni Charina ug sugton siya sa dalaga kun may kaisog na siya sa pagpanguyab.
Taud-taud, gisangpit si Herbert sa iyang inahan. “Pagpalit usa og lamas didto sa ilang Maya kay magluto ko’g sud-an,†matud sa inahan ni Herbert. Gikulbaan siya kay adto siya papalita og lamas sa ila ni Charina. (Sumpayan)