Way laing gihisgutan ning gabhiona sa ilang gibisitahan ang magtiayong Rudy-Almira. Ang ilang linudhan sa kasal nga nag-imbitar nila’g sing-along sa sityo Limados ning dakbayan. Hilig kaayo’g sing-along ang magtiayong Rudy-Almira. Hilig sab ang ilang linudhan sa kasal, ang magtiayong Celso-Nova. Labi na nga ikanapulo nga wedding anniversary sa linudhan karong adlawa.
Giimbitar sila’g paniudto. Pagkahuman sa paniudto, kinantahay hangtud mangapagaw. Pito ka oras silang nagkantahay. Gikan sa alas dos sa hapon hangtud sa alas nuybe sa gabii. 30,000 songs ang sulod sa videoke nga pinaasembol ni Celso.
“Medyo naglibog ko ni Celso. Nikalit la’g hugo. Unya gipangutana nako, wa man kono siya’y sakit†ni Rudy samtang nagmaneho sa ilang kotse nga Toyota Corolla nga abuhon. May kabalaka ang tunada. Padulong na sila’s Guadalupe diin nahimutang ilang balay. “Basi’g nag-work out†ni Almira. Nilingi sa kapikas sa iyang wala. “Wa man kono siya nag-work out. Nagpatsek-ap kono siya’g blood sugar. Ubos man. Way dayabitis. Iyang blood pressure, normal man†ni Rudy. “Basi’g stress lang na†ni Almira. “Unsa may ika-stress niya? Wa sila magkalisodlisod. Kay wa man silay anak gastohan. Hayahay sila’s kuwarta†ni Rudy.
“Moingon ka lang ana. Primero, wa sila’y anak. Basig gusto ni Celso nga makaanak unta sila. Apan di na man mahimo si Nora†ni Almira.
“Nganong di na man?†ni Rudy.
“Maguwang man nas Nova og napulo ka tuig ni Celso. Karon si Celso 45, na ang edad. Si Nova, 55, nag-menopause na†ni Almira. “Mao ba? Unya nganong ma-stress man si Celso? Nga maayo man ang lakaw sa ilang negosyo nga karenderya?†ni Rudy.
“Dili man god maayo nga sukitsukiton nato sila sa mga sekreto’s ilang kinabuhi. Apan si Celso, hilig og inom. Unya pinugngan ni Nova. Si Nova nisamot og katambok. Wa na gyuy view ang lawas. Samtang si Celso nagkaanam og kadaut, si Nova, nagkaanam og katambok. Hilom seguro si Celso nga wa na gyuy kalipay sa iyang kapikas†ni Almira.
“Sa akong tan-aw, wa man gyud sila’y problema. Bueno, kun magpakitambag sila nato, isip godparents nila, di nato sila hikawan sa mga maayong hunahuna†ni Rudy.
30 ka tuig na silang minyo. Duhay anak. May duha na ka apo.
“Kana kun duna sila’y ibutyag nato nga problema nila. Sa pagkakaron, ato lang gyung isipon nga wa sila’y problema. Apan kanang pagkakusog sa pag-ubos sa timbang ni Celso, siya gyud tingale dunay problema. Basig sa iya lang nang pangisip. Giluom lang. Kana bayang tinagoang laksot nga pagbati nga giluom lang, stressful baya gyud na. Makapadaut gyud tingale†ni Rudy.
“Problema sa panghunahuna nga dili ikasulti sa kapikas†ni Almira.
“Malagmit. Pero, samtang wa ta nila pahibaw-a kun unsa man gyud na, wa gyud tay mahimo’ ni Rudy. Nanghupaw.
“Mao gyud†ni Almira. Wa lang nila himangdi nga niabot na sila sa gate sa ilang balay. (Katapusan)