Isla Paraiso

Namalik na sila si Rey ug sister Veronica sa dakbayan sa Sugbo.  Kilumkilom na sa pagdunggo sa pump boat nga ilang gisakyan sa Carbon.

Gihatod ni Rey si sister Veronica sa Orchids Sister’s Convent.

Wala magdugay si Rey sa kombento. Nananghid gilayon siya sa madre nga siya mopauli na. “Tawgi ko sa telepono kun mahiabot ka na unya sa inyo”, matud ni sister Veronica.

“Sure,” pasalig ni Rey.

Ug mibiya na si Rey sa kombento. “Kumosta ang inyong lakaw?” Nangutana kang sister Veronica ang madre superyor.

“Okey man, Mother Superior,” laktod nga tubag ni sister Veronica. “Matahom kaayo ang isla nga among gisuroyan.”

“Nakadawat diay tuod ako’g long distance call kaganina,” mipalain ang madre superior. Nahatan-aw si sister Veronica sa madre superyor pagkadungog sa gisulti niini. May pangutana nga gilibkas ang iyang tinan-awan.

“Gikan sa States ang maong tawag,” gidugtongan sa madre superyor ang iyang gisulti. “Si Padre Judas ang nanawag. Mopauli na kuno siya dinhi sa Pilipinas.”

Niana dayong pagkaugma si sister Veronica nakigsulti sa madre superyor sa Orchids Sister’s Convent. -- Sumpayan pa