“Apan hangyoon ko ikaw, sister Veronica, nga kun mahimo, hatagi usab ako’g higayon nga makapamatuod kanimo nga dili ikaw masayop sa imong paghukom kun dawaton mo ang akong gugma.â€
Kahilom.
“Unsa na man, sister Veronica?†Misukot si Rey aron pagtukbil sa kahimungawong sa madre.
“Kun sugton ko ikaw, Rey,†ni sister Veronica pa, “wala kana magpasabot nga dihadiha luwatan ko na ang akong bokasyon.â€
“U-unsay buot mong ipasabot?†Mikunot ang agtang ni Rey.
“Kun dawaton ko man ang imong gugma, magpabilin pa gihapon ako sa kumbento. Nianang higayona timbang-timbangon ko pag-ayo kun hain ang mas bug-at alang kanako. Ikaw ba o ang akong bokasyon.â€
Kahilom.
â€Kun mamatud-an ko sa akong kaugalingon nga mas bug-at ka alang kanako kay sa akong bokasyon, andam ako nga mogawas sa kumbento.â€
“A-apan kun pananglit...mas bug-at kanimo ang imong bokasyon kay sa atong relasyon, mag-unsa na man lang ako?â€
“Kun kita alang gayod sa usa’g-usa, Rey, kita gayod ang magkadayon bisan unsa pay mahitabong tuis sa kapalaran. -- Sumpayan pa