Gula 93
Human sa prayer meeting, miduol si sister Veronica sa madre superyor. May mahinungdanong butang nga buot niyang pakigsultihan niini.
Si Sister Veronica gidala sa madre superyor ngadto sa lawak nga katulganan niini. Nanulod sila. Sa didto na sila sa sulod, gitakpan sa madre superyor ang pultahan sa lawak. Nasabot ni sister Veronica nga dili kini buot nga may makabati nga laing tawo sa ilang panagsulti.
Pagkamatikod sa madre Superyor nga nagbarog lang siya sa kilid sa bentanang jalousie, gidapit siya niini sa paglingkod sa usa ka silya. Milingkod si sister Veronica sa gihanyag nga lingkoranan samtang ang madre Superyor milingkod usab sa iyang atbang.
Mihabol kanila ang daklit nga kahilom.
“Nakadesisyon ka na ba, sister Veronica?†Nanagat sa pagpangutana ang madre superyor nga mitutok pag-ayo kaniya. Wala tubaga ni sister Veronica ang pangutana. Miginhawa hinuon siya’g lawom.
‘Nakahukom ka na ba sa...†Wala matiwas sa madre ang buot niining ibungat.
Apan nasabtan kadto ni sister Veronica. Busa mitando siya.
“Oo, Mother Superyor,†niya pa. Nakakab-ot na ako’g usa ka hukom.†-- Sumpayan pa