Valentine’s Day Espesyal ang siaw nga Valentino

Human ipahibalo sa iyang bugaw nga si Henry nga aduna siya’y kustomer sa gawas nga nagpaabot, abtik nga nakapanghindik sa kaugalingon si Lita. Miposing siya sa dakong salamin sa hawanan ning balay nga iyang giabangan sa dalan Junquera. Gihinlit niya ang luag nga blawos nga klarong nakapaduas sa iyang lawom nga cleavage ug misiak sa duha ka tugsoy sa iyang dughan.

Giparesan kini niya sa iyang mubong sayal nga nakapagimaw sa bugol niyang puting paa, nga makapasamot paglaway ning nagpaabot niyang kustomer atol sa kasaulogan sa Valentine’s Day. Nasayod na si Lita kun kinsa kining kustomer nga nagpaabot kaniya. Siya si Mariano, ang giisip niyang siaw nga Valentino nga usa na ka senior citizen.

Abtik nga giablihan ni Lita ang pultahan sa balay nga giabangan ug maoy nabantang sa iyang panan-aw ang mapahiyumong panagway ni Mariano nga ispoting kaayo ang pamayhon, nunot sa nagkaupaw na niyang ulo.

“Mariano....! Mar...!” tuaw ni Lita nga mapahiyumon.

“Happy Valentines, Lit...!” nagtingsi si Mariano nga mora’g kahabhabon dayon ang dagway sa pagkakita sa bigot ug seksing pamayhon ni Lita.

“Nya, ready na ka ning gabhiona sa Valentine’s Day, Mar...?”

“Aw, ready na kaayo, Lit! Giandam ko na ang imong presyo nga di ikatala og resibo! Ug kundisyon na sab kaayo ko nga naglaway nga nagpasiklap sa nagpanikad mong duha ka tugsoy sa dughan, sa mga bugol mong paa  nga maoy gihimo kong bitamina sa akong pangedaron...!”

“He-he-he! siaw gyud ka, Mar! Ikaw ang biyudo nga siaw kong Valentino!”

“Unta, kun mosugot ka, Lit, himuon ko na ikaw’ng permanenteng  Valentina! Mag-live-in na lang ta! Total ang pensiyon ko sa GSIS, ang agi ko’s panulat sa Banat News ug laing tabloid ug ang halin sa kinuwadro kong mga pinintal, igo na kaayo nga makasapar natong duha! Biya na ning imong pagbaligya sa unod dinhi sa dalan Junquera....!”

“Unya na lang nato ni saboti, Mar! 70 anyos na ra ba ka ug ako 28 pa! Sige na, adto na ta sa suki tang motel...!”

Ug sa sulod sa mabugnaw’ng lawak sa motel, may namatikdan na usab si Lita sa laing teknik ni Mariano sa dili pa sila magsugod og romansa, ilabi na nga parehas na silang mga hubo ug lawas niadtong orasa.

“Siawa gyud nimo, Mar, uy! Nganong nag-order man dayon ka’g grandeng beer ug sigeng gatagay anang beer, nunot ang paghikaphikap sa akoa....?”

“Mao ni ang triling nga intro nga pagana sa atong romansa, atol  ning kasaulogan sa Adlaw Sa Gugma, Lit....! Isumsom ko ang imoha....!”

Igo lang nakapanglingo ug nakapahiyom si Lita sa pagkasiaw ni Mariano. Nakapasamot kini sa gibati niyang kahinam.

Edaran na man tuod ang siaw niyang Valentino, apan molabok, motinamsi ug mosiyapol pa kini sa natad sa romansa nga maoy makapatagbaw kaniya. (Kataposan)