“Tungod ba sa bokasyon mo, sister Veronica, maong gipugngan mo ang imong gibati? Tungod ba kay usa ikaw ka madre? Sayop kana,†nagkanayon ang madre superyor. “Usahay ang Diyos mosulay kanato aron masuta sa atong kaugalingon kun angay ba gayod kita sa atong bokasyon. Ug kini nahitabo kanimo, sister Veronica. Ug nakaplagan mo ang imong kaugalingon nga nahigugma kang SPO3 Corpuz. So go on. Tingali’g alang ka gayod kang Corpuz ug dili alang sa kombento.â€
Si sister Veronica nagpabiling nagpaulipon sa kahilom.
“Makaalagad ka sa Diyos sa daghang paagi bisan dili ikaw usa ka madre,†mipadayon ang madre superyor. “Kun magminyo ka, tumanon mo ang imong obligasyon ngadto sa imong kapikas sa kinabuhi ug sa inyo unyang mga anak. Pinaagi niana, nakaalagad ka gihapon sa Diyos bisan nahigawas ka na sa kombento. Mag-unsa man kun ania ka sa kombento apan ang imong hunahuna atua sa gawas. Busa mas makatarunganon nga sundon mo ang pinitik sa imong kasingkasing. Mosabot kanimo ang Diyos. Anyway, dili ka tingali mobati’g ingon niana kun dili pa kana pagbuot sa Diyos.â€
Ang gipamulong sa madre superyor gipamalandongan ni sister Veronica. Nabatyagan niya nga nahisama kini sa usa ka bulong nga gihidhid sa iyang balatian. Mitidlom kini ug milagingling sa iyang kahiladman. -- Sumpayan pa