“Unsa man nang asshole, lo?†sukot ni Fiona ngadto sa iyang apohan nga si Fredo. Nagtupad sila’g tan-aw og Cable TV sa sala sa balay sa apohan. Sabado ron sa hapon. Ug nahaduaw ang apo sa apohan kay nibisita ang ginikanan ni Fiona nga sila si Jimmy ug Sonia.
Naa na sa grade two si Fiona ug gidasig sa apohan nga mangutana gyud sa mga tiguwang kun dunay pulong wa masabti. Ma-iningles ka’g ma-Binisaya. Kay ang mga kabataan ron, dili na man makadungog sa mga laglum nga pinulongan nga Binisaya. Diha may dialogue sa salida diin ang usa ka karakter niingon “Asshole!â€. Ang salida karon ang giulohan og “Stupid, Crazy Love†diin relasyon sa bana’g asawa ug sa babaye’g lalaki ang tema. Iningles ang salida ug dunay subtitle sa screen sa TV.
Tungod kay gipangutana ang apohan nga usa ka professional, magtutudlo sa pribadong tunghaan, madasigon kaayo nga nipasabot sa apo. Wa naghunahuna nga ang iyang apo, usa ka babaye.
“Kanang pulong asshole, usa kana ka-slang sa Iningles. Dili na gamiton sa tinarong nga istorya. Kasagaran litokon lang na kun naglagot ang usa ka tawo ngadto sa laing tawo. Kanang pulonga, para lang na sa lalaki. Para saway o insulto. Kun literal ang panabut ana, kanang ass, lubot o sampot. Kanang hole, lungag ug bangag. Busa, ang pulong asshole, kun literal ang panabot, lungag sa lubot. Apan kay slang man ang paggamit ana, ang gipasabot sa nagsulti ana, mao nga ang iyang ginganlan og asshole “buang, gago, amaw, estupido o hambugeroâ€.
Mao gyud na ang gipasabot†ni Lolo Fredo nga mapasigarbuhon sa iyang nabatbat sa apo.
Mapahiyumon si Fiona nga naminaw sa apohan.
“Apan dili na nimo angay gamiton sa eskuylahan ha! Basi’g imo unyang sultihan imong mga klasmet o magtutudlo nga “asshole.†Di na puwede. Kay “bad†na nga pulong†ni Jimmy nga nisagbat og dalidali, kay sa paminaw niya, kulang ang pasabot sa apohan. Nakayanguyango si Fiona.
“Sakto, sakto†ni Lolo Fredo. “Igo ra nga nasabtan nimo unsa na. Apan ayaw na litoka sa bisan asaâ€. Nagkinataw-anay ang amahan ug anak. Ug nag-apir. Wala’y usa nila nga angay nganlan og asshole. Mga maayo sila’g gawi nga pagkatawo. (Katapusan)