Gula 35
“Come in,†nabati ni Rey ang tingog sa kapitan gikan sa sulod.
Gihinay niya pagtukmod ang sera sa pultahan. Misulod si Rey sa buhatan ni Capt. Sancho Benale. Midalit siya’g pagsaludo sa dihang miliso kini ug miatubang kaniya nga naglingkod sa swivel chair. Mibalos pagsaludo kaniya ang kapitan.
“Have a seat, Lt. Corpuz,†matud sa kapitan.
“Nganong gipatawag mo man ako, Sir?â€
Inay motubag sa pangutana, gibunlot ni Capt. Benale ang usa sa mga hunos sa kilid sa iyang lamesa. Gikuha niini ang usa ka folder ug gitunol ngadto kang Rey.
“U-unsa kini, Sir?†Nakasukot si Rey nga wala gayo’y ideya nga misantop sa iyang hunahuna kun unsay anaa sa maong folder.
“Mao kana ang report nga akong nadawat gikan sa intelligence,†tubag ni Capt. Benale. “Ug base sa maong report, unya sa gabii may shipment nga moabot ug kini sugaton sa mga sakop sa sindikato dinhi sa dakbayan. Tun-i kana pag-ayo, Tenyente, aron kapangitaan mo’g paagi nga inyong malukong ang mga tigpayuhot. Ikaw mismo ang mangunay sa pagpamuo sa atong puwersa.â€
Paggawas ni Rey sa buhatan ni Capt. Benale, midiretso siya pagbalik sa ilang buhatan sa Theft and Robbery Section.
Gipatawag niya ang tanan niyang mga sakop sa departamento ug gitambayayongan nila pagtuon ang mapa sa dapit diin adto modunggo ang shipment sa mga kontrabando. Ang matag usa kanila maduloton nga nagtuon sa mapa nga gi-attached sa folder. -- Sumpayan pa