Dear Tita Salie,
Have a wonderful day. Just call me Ms. A. This is my first time nga nagpadala sa akong problema but always gyod ko mobasa sa imong column. Nagsunod gyod ko niini. Duna la’y nahitabo sa akong lovelife nga dili na nako kayang i-handle ang sitwasyon. Busa manghinaot ko, Tita, nga imo kong katabangan sa akong suliran.
Duna man god ko’y boyfriend nga super mahal gyod kaayo nako siya. Matud niya nga love pod ko niya. Apan usa ka higayon ako siyang nasakpan nga duna siya’y lain. Ako man siyang nakit-an nga dunay kuyog nga laing babaye. Ug dihang ako siyang gipangutana bahin niini matud niya nga amiga lang. Busa nituo lang pod ko kay love man nako siya ug dako ko og pagsalig niya.
Apan pagka-ugma namisita siya ug nag-ilis mi og simcard, dihang padung na siya mopauli. Pila ka minuto sukad sa iyang pagbiya dunay babaye nga nanawag sa iyang number ug ako kining na estorya. Nagpaila ko nga girlfriend tungod kay nangutana man kini nganong ako ang mitubag. Ug ang maong caller, Tita Salie, nagpaila pod nga G siya sa akong boyfriend og 1 year na sila.
Sakit kaayo, Tita, kay nag-una pa mi kay 4 years na mi pero nangita gihapon siya og lain. Unsa may akong buhaton? Palihog pasabta ko. Thank you.
* * *
Hello, Ms. A.
Dapat dili na ka matingala sa nahitabo sa inyong relasyon ug sa imong nadiskobrehan sa imong boyfriend. Tungod kay daghan sa atong mga ka alakihan nga anaa niining batasan ug nature kini sa mga lalaki ang pagka polygamous. Dili tanan apan kasagaran gyod sa mga lalaki dili makontento sa usa lamang ka babaye. Busa mga babaye dapat dili gyod ta magkompyansa. Wala ko moingon nga dili nato saligan ang mga lalaki. Mosalig ta sa atong partner o bana apan dili lang ta magkompyansa kay tingali unya nga sa ilang kahuyang madala sila sa bul-og sa mga pagsulay.
Mao na gyod kini ang ilang natural og buhaton nila ang tanang drama ug pamakak aron gyod ka madala o motuo kanila, hangtod nga imong masakpan ang ilang binuang. Kun dili nimo masakpan sa akto dili gyod mahunong ang ilang pagkabilyako.
Ang ingon niining klase sa mga lalaki nagkinahanglan og leksyon aron motagam. Busa mas maayo seguro kun inyo siyang bulagan kamo gyong duha ug palihog ayaw namo padala sa iyang mga drama. Wala usab kamo masayod nga dili kay kamo rang duha ang iyang nalingla, tingali duna pay daghan diha nga atong kauban. -- Tita Salie