Nagpanglingi si Luz sa palibot. Nasabot ni Miguel nga nahadlok ang iyang girlfriend. “Nahadlok ka ba?†gisukna ni Miguel si Luz nga migunit pag-ayo sa iyang bukton.
“Nabalaka lang ko Migz kay basin og dungan sa akong pagkapukan sa imong mga kamot imo lang ko nga talikdan,†daw may kabalaka ug kasubo ang tingog ni Luz.
Ingon sa nagpanuko si Luz nga misulod sa kwarto sa motel. “Ayaw kabalaka Luz kay dili ko gayud ikaw binuangan. Anaa ang langit nga buhing saksi sa akong kamatinud-anon kanimo,†daw nabalaknon si Miguel.
“Basta baya Migz ha? Wala na ko’y ginikanan ug mamatay na g’yud ko sa kaguol kun imo pa ko nga binuangan,†dugang ni Luz. Migakus si Luz kang Miguel ug daw sa iya na lang gisalig sa iyang boyfriend ang iyang kaugmaon.
Gipadayon nila ang naputol nila nga pagparayganay kaganina didto sa mingaw nga dapit sa Barangay Busay. Dali kaayo nga nanginit ang tagsa-tagsa nila ka kalawasan.
Takulahaw lang sila nga giganoy sa talagsaong pagbati ug mao na lang ang ilang naamgohan nga andam na sila’ng duha nga magtagay sa kalibutanong kalipay.
“Luz, I love you, Ummm,†giparaygan pag-ayo ni Miguel ang gwapa niya nga boyfriend. “Miguel, itugyan ko kanimo ang akong kaugmaon,†matud ni Luz nga pwerteng nakagakus sa ulitawo.
Gusto pa unta nga morebansin si Miguel apan mihangyo si Luz nga mopauli na sila. “Gabii na Migz, ihatud na ko sa akong gipuy-an. Paabota na lang ang pipila ka adlaw kay mag-uban na kitang duha,†matud ni Luz.
Gihatud ni Miguel si Luz sa iyang gipuy-ang boarding house. Pag-uli ni Miguel sa ilang balay, diritso na siya sa higdaanan. Gihanduraw niya ang nahitabo kanila ni Luz.
Nasukod gayud ni Miguel nga gimahal siya ni Luz tungod kay gitugyan man kaniya ang iyang kaugalingon. Nakasaad usab si Miguel nga magbinuotan siya sa ilang relasyon.
Pagka buntag, giingnan ni Miguel ang iyang inahan nga moipon kaniya pagpuyo sa ilang panimalay ang iyang girlfriend. Nakalitan ang inahan ni Miguel apan wala kini mosupak.
Miabot ang kataposang adlaw sa buwan. Day off diay ni Luz ug gihakut nila ni Miguel ang gamay niini nga mga butang sa dalaga didto sa iyang gipuy-an nga boarding house.
Tuod, walay adlaw nga mosipyat nga saw-an gayud nila ni Miguel ug Luz ang katam-is sa kinabuhi nga minyo. Tugob sa kalipay ang ilang pagpuyo, ilabi na nga wala dayon sila makabaton og anak.
Susama gihapon sila sa managhigugmaay nga magkuyog ug magdeyt sa lainlaing dapit kun wala sila’y trabaho. - Sumpayan