Sus pagkalisod niining magdrayb nga tigulang na. Unsaon man pud ning drayber nako’ng si Tirso mipauli man kay pista kuno.†Namulong si Noy Dolpo sa iyang kaugalingon samtang nagmaneho. Nasubraan siya sa inom human mitambong ug kumbira.
“Day, naabot na ko. Hala pagmata ug pangandam na. Human sa gimbuhaton, mamahulay tang duha,†ni Dolpo pa nga nagsarasay. Nakasingo siya og pahumot nga sinati kaayo niya. Tuod man, gibuhian ni noy Dolpo ang nahabiling kusog sa kahubog. Nagsalig lang siya sa iyang panimhot aron ang pagbating kainit nga nagpuot ikapabulhot. “Sige gud, nagbinag-o man ka. Karon ka pa man mag-iningon ani noy Dolpo,†ni Alma pa nga nahibulong.
“Day Alma, nakauli ba si noy Dolpo nimo. Wala man ko makamatngon sa iyang pagpauli. “Kahinay gud nimong molihok diha. Sayo ka man untang natulog gabii?†sukna ni Bebang sa katabang, nagdala’g kahibulong.
“Naluya man ko Mam, unsaon gipatrabaho pa man ko ni Noy Dolpo pag-abot niya ganinang kaadlawon,†tubag ni Alma.
“Unya wala man lagi ko makamatikod niya nga miabot?,†sumbalik ni Bebang sa katabang.
“Ay, kasakit sa akong ulo,†tingog ni Noy Dolpo ang nabati ni Bebang gikan sa lawak sa katabang.
“Oy, Dolpo nag-unsa ka dinhi sa lawak ni Alma?â€
“Ah, day Bebang, sus, kalisod gyud niining masubraan sa inom, makahubog. Ultimo pagsulod sa lawak nato wala ko makatultol. Abi ko man gud to’g ikaw akong nakauban kaganinang kaadlawon pag-abot nako. Nasingohan nako ang imong pahumot,†dala hikaphikap ni noy Dolpo sa iyang ulo. “Unswaa†nakalitan si Bebang sa iyang nabati.
“Alma, diin ka man manguha og pahumot?†sukna ni Bebang sa katabang.
“Gihatagan ko ni Tirso og pahumot nang Bebang isip regalo human sa akong pagsugot niya sa mibalay’ng semana,†malipayong pahibalo ni Alma.
Mipasunding sa hunahuna ni Bebang ang dili angay’ng mahitabo tali kaniya ug ni Tirso. Natintal silang duha. Sa kasuod, nahatagan ni Bebang si Tirso og pahumot nga maoy gihatag usab ni Tirso ngadto ni Alma.
“Kun mao kana Dolpo hala kaligo didto kay nahubog ka man gud, naglabad ra nang imong ulo. Tinuod gyud ko nimong gimahal kay bisan ang akong pahumot imo mang gipahimungtan,†nausab ang tingog ni Bebang.
“Salamat kaayo Bebang sa imong pagsabot sa akong kahubog. Dili na ko mousab. Magbag-o na ko,†naulian si noy Dolpo gikan sa kahadlok nga mabugnoan sa maldita niyang kapikas.
“Sus, kaayo baya gyud untang bugnoon niining mga tawhana, apan ayaw na lang. Magbag-o nako,†pulong pa ni Bebang sa kaugalingon samtang nagtan-aw ni Alma nga nagkurikuri sa mga gimbuhaton sa panimalay ug si noy Dolpo nga milakaw padulong sa ilang lawak aron mangandam sa pagsugod sa bag-ong adlaw. (Kataposan)